[Officium]
Desponsationis Beatæ Mariæ Virginis cum S. Joseph

[Rank]
;;Duplex majus;;4;;ex C11

[Rule]
ex C11
9 lectiones
Antiphonas horas
Gloria
Credo
Prefatio=Maria=Desponsatióne;
(ad missam)sub unica conclusione

[Comment]
Proprium viz. 1888, pp. [268]–[272]

[Ant Vespera]
Desponsátio * gloriósæ Vírginis Maríæ, ex sémine Abrahæ, ortæ de tribu Juda, clara ex stirpe David.;;109
Desponsátio est hódie * sanctæ Maríæ Vírginis, cujus vita ínclyta cunctas illústrat ecclésias.;;112
Regáli ex progénie * María exórta refúlget: cujus précibus nos adjuvári mente et spíritu devotíssime póscimus.;;121
Corde et ánimo * Christo canámus glóriam in hac sacra solemnitáte præcélsæ Genitrícis Dei Maríæ.;;126
Cum jucunditáte * Desponsatiónem beátæ Maríæ celebrémus, ut ipsa pro nobis intercédat ad Dóminum Jesum Christum.;;147

[Versum 1]
V. Desponsátio est hódie sanctæ Maríæ Vírginis. 
R. Cujus vita ínclyta cunctas illústrat ecclésias.

[Ant 1]
Gloriósæ Vírginis Maríæ Desponsatiónem digníssimam recolámus, quæ et Genitrícis dignitátem obtínuit, et virginálem pudicítiam non amísit.

[Oratio_]
Famúlis tuis, quǽsumus Dómine, cœlestis grátiæ munus impertire: ut, quibus beátæ Vírginis partus éxstitit salútis exordium, Desponsatiónis ejus votiva solémnitas pacis tríbuat increméntum. 
$Per Dominum
(hora vespera dicuntur)
_
@:Commemoratio4

[Oratio]
@:Oratio_

[Invit]
Desponsatiónem Vírginis Mariæ celebremus,* Christum ejus Fílium adorémus Dóminum.

[Lectio1]
@Sancti/08-15t

[Responsory1]
R. Hódie desponsáta est beáta Virgo María ex progénie David: 
* Per quam salus mundi credéntibus appáruit, cujus vita gloriósa lucem dedit sǽculo. 
V. Desponsationem beátæ Maríæ Vírginis cum gáudio celebremus. 
R. Per quam salus mundi credéntibus appáruit, cujus vita gloriósa lucem dedit sǽculo. 

[Lectio2]
@Sancti/08-15t

[Responsory2]
R. Beatissimæ Virginis Mariæ Desponsatiónem devotissime celebremus:
* Ut ipsa pro nobis intercédat ad Dóminum Jesum Christum. 
V. Cum jucunditate Desponsationem beatæ Mariæ Virginis devotissime celebremus.
R. Ut ipsa pro nobis intercédat ad Dóminum Jesum Christum. 

[Lectio3]
@Sancti/08-15t

[Responsory3]
R. Gloriósæ Virginis Mariæ Desponsatiónem dignissimam recolamus:
* Cujus Dóminus humilitatem respexit, quæ Angelo nuntiante concépit Salvatórem mundi.
V. Beatissimæ Virginis Mariæ Desponsatiónem devotissime celebremus.
R. Cujus Dóminus humilitatem respexit, quæ Angelo nuntiante concépit Salvatórem mundi.
&Gloria
R. Cujus Dóminus humilitatem respexit, quæ Angelo nuntiante concépit Salvatórem mundi.

[Lectio4]
Sermo sancti Bernárdi Abbátis
!Ex Homil. 2. super « Missus est »
Oportébat a príncipe mundi áliquam diu celari divíni consílii sacraméntum: non quod Deus, si palam opus suum fácere vellet, impediri posse ab illo metueret: sed quia ipse, qui non solum potenter, sed étiam sapiénter quæcúmque vóluit, fecit, sicut in ómnibus opéribus suis quasdam rerum vel témporum congruentias propter órdinis pulchritúdinem serváre consuevit: ita in hoc quoque tam magnífico ópere suo, nostræ vidélicet reparatiónis, non tantum poténtiam suam, sed et prudéntiam osténdere vóluit.

[Responsory4]
R. Desponsatio gloriosæ Virginis Mariæ ex semine Abrahæ, ortæ de tribu Juda, clara ex stirpe David,
* Cujus vita inclyta cunctas illústrat ecclesias. 
V. Hodie desponsata est beata Virgo Maria ex progenie David.
R. Cujus vita inclyta cunctas illústrat ecclesias. 

[Lectio5]
Conveniens ergo erat, ut suaviter quoque ómnia, cœlestia scílicet et terréna, disponeret, quátenus et illinc dejiciens inquietum, reliquos in pace firmaret; et hic debellaturus invidum, nobis prius suæ humilitátis et mansuetúdinis valde necessárium exémplum relínqueret: sicque mirábili fíeret moderamine sapiéntiæ, ut et suis suávis, et hóstibus fortis appareret.

[Responsory5]
R. Cum jucunditate Desponsatiónem beatæ Mariæ celebremus:
* Ut ipsa pro nobis intercedat ad Dominum Jesum Christum. 
V. Corde et animo Christo canamus gloriam in hac sacra solemnitate præcelsæ Genitricis Dei Mariæ.
R. Ut ipsa pro nobis intercedat ad Dominum Jesum Christum. 

[Lectio6]
Quid enim prodésset diábolum a Deo vinci, nobis manentibus supérbis? Necessário ígitur desponsáta est María Joseph, quando per hoc et a cánibus sanctum absconditur, et a sponso virgínitas comprobátur, et Vírginis tam verecúndiæ parcitur, quam famæ providetur. Quid sapientius? quid dígnius divína providentia? Uno tali consílio secretis cœlestibus et admittitur testis, et exclúditur hostis, et íntegra servátur fama Vírginis Matris.

[Responsory6]
R. Desponsatio tua, Dei Genitrix Virgo, gaúdium annuntiávit universo mundo:
† Ex te enim ortus est sol justitiæ, Christus Deus noster:
* Qui solvens maledictionem, dedit benedictionem: et confúndens mortem, donavit nobis vitam
sempiternam.
V. Benedicta tu in mulieribus, et benedictus fructus ventris tui. 
R. Ex te enim ortus est sol justitiæ, Christus Deus noster: 
&Gloria
R. Qui solvens maledictionem, dedit benedictionem: et confúndens mortem, donavit nobis vitam
sempiternam. 

[Lectio7]
Léctio sancti Evangélii secúndum Matthǽum
!Matth 1:
Cum esset desponsáta mater Jesu María Joseph, ántequam convenírent, invénta est in útero habens de Spíritu sancto. Et réliqua.
_
Homilía sancti Hierónymi Presbýteri
Quare non de simplici vírgine, sed de desponsáta concipitur? Primum, ut per generatiónem Joseph, orígo Maríæ monstraretur: secúndo, ne lapidaretur a Judǽis ut adultera: tértio, ut in Ægýptum fúgiens habéret solátium. Martyr Ignátius étiam quartam addidit causam, cur a desponsáta concéptus sit: Ut partus, inquiens, ejus celaretur diábolo, dum eum putat non de vírgine, sed de uxore generatum.

[Responsory7]
@Commune/C11:Responsory8:1-4

[Lectio8]
Ántequam convenírent, invénta est in útero habens de Spíritu sancto. Non ab álio invénta est, nisi a Joseph, qui pene licentia maritali futúræ uxóris ómnia nóverat. Quod autem dícitur, Ántequam convenírent; non séquitur ut póstea convenerint: sed Scriptúra quod factum non sit, osténdit.

[Responsory8]
R. Felix namque es, sacra Virgo María, et omni laude digníssima:
† Quia ex te ortus est sol justítiæ, * Christus, Deus noster.
V. Ora pro pópulo, intérveni pro clero, intercéde pro devóto femíneo sexu: séntiant omnes tuum juvámen, quicúmque célebrant tuam sanctam Desponsatiónem.
R. Quia ex te ortus est sol justítiæ.
&Gloria
R. Christus, Deus noster.

[Lectio9]
Joseph autem vir ejus, cum esset justus, et nollet eam tradúcere, vóluit occúlte dimíttere eam. Si quis fornicariæ conjungitur, unum corpus effícitur, et in lege præcéptum est, non solum reos, sed et conscios criminum obnoxios esse peccáti: quómodo Joseph, cum crimen celaret uxóris, justus scríbitur? Sed hoc testimónium Maríæ est, quod Joseph sciens illíus castitátem, et admirans quod evenerat, celat siléntio, cujus mystérium nesciebat.

[Ant Laudes]
@:Ant Vespera:s/;;\d+(?![a-z])//g

[Versum 2]
@:Versum 1

[Ant 2]
Desponsatiónem hodiérnam perpétuæ Vírginis Genitrícis Dei Maríæ solémniter celebrémus, qua celsitúdo throni procéssit, allelúja.

[Oratio 2]
@:Oratio_:1-2
_
!Commemoratio S. Joseph Sponsi Beatæ Mariæ Vírginis
Ant. Ipse Jesus erat incípiens quasi annórum triginta, ut putabátur fílius Joseph.
_
V. Os justi meditábitur sapiéntiam.
R. Et lingua ejus loquétur judícium.
_
$Oremus
v. Sanctíssimæ Genitrícis tuæ Sponsi, quǽsumus Dómine, méritis adjuvémur: ut quod possibílitas nostra non óbtinet, ejus nobis intercessione donetur.

[Versum 3]
@:Versum 1

[Ant 3]
Desponsátio tua, Dei Génitrix Virgo, gaúdium annuntiávit univérso mundo: ex te enim ortus est sol justítiæ, Christus Deus noster: qui solvens maledictiónem, dedit benedictiónem: et confúndens mortem, donávit nobis vitam sempitérnam.

[Oratio 3]
@:Oratio_:1-2
_
!Commemoratio S. Joseph Sponsi Beatæ Mariæ Vírginis
Ant. Ecce fidélis servus et prudens, quem constítuit Dóminus super famíliam suam.
_
V. Glória et divítiæ in domo ejus.
R. Et justítia ejus manet in sǽculum sǽculi.
_
$Oremus
v. Sanctíssimæ Genitrícis tuæ Sponsi, quǽsumus Dómine, méritis adjuvémur: ut quod possibílitas nostra non óbtinet, ejus nobis intercessione donetur.

[Commemoratio4]
!Commemoratio S. Joseph Sponsi Beatæ Mariæ Vírginis
Ant. Exsúrgens Joseph a somno, fecit sicut præcépit ei Angelus Dómini, et accépit cónjugem suam.
_
V. Constítuit eum dóminum domus suæ.
R. Et príncipem omnis possessiónis suæ.
_
$Oremus
v. Sanctíssimæ Genitrícis tuæ Sponsi, quǽsumus Dómine, méritis adjuvémur: ut quod possibílitas nostra non óbtinet, ejus nobis intercessione donetur.

[Oratio] (ad missam)
@:Oratio_:1-2
_
$Oremus
!Commemoratio S. Joseph Sponsi Beatæ Mariæ Vírginis
@:Commemoratio4:8
$Qui vivis

[Lectio]
Léctio libri Sapiéntiæ.
!Prov. 8:22-35.
Dóminus possedit me in inítio viárum suárum, ántequam quidquam fáceret a princípio. Ab ætérno ordináta sum, et ex antíquis, ántequam terra fíeret. Nondum erant abýssi, et ego jam concépta eram: necdum fontes aquárum erúperant: necdum montes gravi mole constíterant: ante colles ego parturiébar: adhuc terram non fécerat et flúmina et cárdines orbis terræ. Quando præparábat cœlos, áderam: quando certa lege et gyro vallábat abýssos: quando ǽthera firmábat sursum et librábat fontes aquárum: quando circúmdabat mari términum suum et legem ponébat aquis, ne transírent fines suos: quando apperidébat fundaménta terræ. Cum eo eram cuncta compónens: et delectábar per síngulos dies, ludens coram eo omni témpore: ludens in orbe terrárum: et delíciæ meæ esse cum fíliis hóminum. Nunc ergo, fílii, audíte me: Beáti, qui custódiunt vias meas. Audíte disciplínam, et estóte sapiéntes, et nolíte abjícere eam. Beátus homo, qui audit me et qui vígilat ad fores meas cotídie, et obsérvat ad postes óstii mei. Qui me invénerit, invéniet vitam et háuriet salútem a Dómino.

[Graduale]
@Commune/C11::1-2
V. Felix es, sacra Virgo María, et omni laude digníssima: quia ex te ortus est sol justítiæ, Christus, Deus noster. Allelúja.

[Tractus]
@Commune/C11::1-2
_
!Tractus
Gaude, María Virgo, cunctas hǽreses sola interernísti. 
V. Quæ Gabriélis Archángeli dictis credidísti. 
V. Dum Virgo Deum et hóminem genuísti: et post partum, Virgo, invioláta permansísti. 
V. Dei Génetrix, intercéde pro nobis.

[Evangelium]
@Sancti/03-19

[Offertorium]
Beáta es, Virgo María, quæ ómnium portásti Creatórem: genuísti qui te fecit, et in ætérnum pérmanes Virgo. (Allelúja.)

[Secreta]
Unigéniti tui, Dómine, nobis succúrrat humánitas: ut, natus de Vírgine, Matris integritátem non mínuit, sed sacrávit; in Desponsatiónis ejus sollémniis, nostris nos piáculis éxuens, oblatiónem nostram tibi fáciat accéptam Jesus Christus, Dóminus noster: 
$Qui tecum
_
!Pro S. Joseph
Débitum tibi, Dómine, nostræ réddimus servitútis, supplíciter exorántes: ut, suffrágiis beáti Joseph, Sponsi Genetrícis Fílii tui, Jesu Christi, Dómini nostri, in nobis tua múnera tueáris, ob cujus venerándam commemoratiónem laudis tibi hóstias immolámus.
$Per eundem

[Postcommunio]
Súmpsimus, Dómine, celebritátis ánnuæ votiva sacramenta: præsta, quǽsumus; ut et temporális vitæ nobis remédia prǽbeant et ætérnæ.
$Per Dominum
_
$Oremus
!Pro S. Joseph
Adésto nobis, quǽsumus, miséricors Deus: et, intercedénte pro nobis beáto Joseph Confessóre, tua circa nos propitiátus dona custódi.
$Per Dominum
